ھەلبژارتن و نویاتیا باوەریێ دناف پارتی دیموکراتی کوردستان دا

نڤیسن، رێژین نھێلی :

گومان تێدانیە کو ئەڤرۆ پرانیا ئەو لایەنێن خوە ب خزمەتکار و دەلیڤە زان دبینن بو گەلێ کوردستانێ دوورن ژ راستیێ ، ژبەرکو ئەو لایەنە ئەون یێن د تاری و دەمێن پێتڤی ب قوربانی دانێ بو مللەتی و ئالوزیێن ئیداری ، چاڤێ وانژی ل قورتالکرنێ بویە نەک پێکولکرن بو ھندێ خەلکی َخوە قورتالبکەن .ئەڤرۆ کە ژی وەکی ئەم دبینین کو نێزیکی پروسا دەنگدانێ بوینە بو پەرلەمانێ کوردستانێ و تا رادەیەکێ ئارامی و ئاڤەدانی وەلات گرتەڤە ، جارەکادی ھاتن و رویێ خوەیێ قاچاغ و ترسنوک ب ھندەک پروپاگندێن بێ بنەما لبەر خەلکی تازەبکەن ، لێ سوپاس بوخودێ کو مێژوویا کوردینیا دروست و رێبازا پارتی و بارزانی ، ئەم فێرکرینە کانێ کیش روی یێ درستەو کیش یێ خاپاندنێ یە ، و مێژوو خەباتا پارتایەتیێ ئەم قێرکرین مفای ژ ئەزمونێن بەری نوکە وەربگرین و نەھێلین چ لایەن یاریا ب دەستکەفت و خەباتا درستاھی یا کوردستانێ و پێشمەرگێ قارەمان بکەن . ئەڤجا وەکی خولێن دەربازبوی یێن ھەلبژارتنان ڤێ جارێ ژی خودانێن ریفراندومێ ، ب ئیرادەیەکا بھێز بەرھەڤن لیستا ؛ زەر ؛ لسەر ھەموو لیستان و ب رێژەیەکا بەرز سەربێخن ، بوڤێ چەندێ ژی ھەروەک د راپرسیەکا مەکتەبا لێکولینێن پارتیا دیموکرات یاکوردستانێ دا لدووور ڤان ھەلبژارتنان ھاتیەکرن دیاربویە کو ٦٨% دی َپشکداری ھەلبژارتنان بن و لدیف وێ لێکولینا ھەرژوار پارێزگەھێن ھەرێمێ ھاتیەکرن ئدەرئەنجام وەسا ھاتینە دیارکرن کو دێ پارتی ٤١% یادەنگان بدەست خوەڤەئینیت ، لێ دیسانژی دڤێت ئەم ھەولبدەین زێدەتر ژی بدەستڤەبینین . ھەروەکی د وێ پەیاما بانگەشەیا ھەلبژارتنان یا ل ھەولێرا پایتەخت ھاتیە گوتن ژلایێ؛ جێگرێ سەروکێ پارتی دیموکراتی کوردستان نێچیرڤان بارزانی ؛دا گوتیە : دڤێت ل روژا دەنگدانێ نەبەس دەنگی بدەینە لیستا ١٨٣ یا پارتی بەلکو ئەم ھەول بدەین دەنگێن زێدەتر کوم بکەین داکو مە ھێزەکا زوورتر ھەبیت بو داھاتویێ کوردا ، چونکە رابردوویی سەلماندیە کا پارتی دیموکراتی کوردستان چەندا باوەرپێکری و ئەمین و خودان رابردروویەکێ پاک بویە وشیایە ببیتە جھێ رەزامەندیا زورینەیا گەلێ کوردستانێ و جێگرێ سەروکی َپارتی گوتژی: ھێزا پارتی ژ غەیبێ نەھاتیە بەلکو ژ جەماوەرێ وێ ھاتیە و د ھەلبژاتنێن عیراقێ دا خەلکەکێ فاتیحە لسەر پارتی خواندبو لێ پارتی شیا دیسان ببیتە ھێزا ئێکێ لسەر ئاستێ عیراڤێ و کوردستانێ .ژبەرڤێ چەندێ ژی پارتی ئێکەم ھێزبویە لسەر ئاستێ روژھەلاتا ناڤین و چجاران درەو ل خەلکێ خوە نەکریە و ھەردەم نەیارێن خوە ئێخستینە سەرچوکان ،ئەڤەژی نیشانا ھێز و ئیرادەیا پارتی یە بو ئاخ و وەلاتی . راستە مە زوور گازندە و ئاریشە وکێماسە ھەنە ل وەلاتی َخوەدا لێ واتا وێ ئەو نیە کو سەروک وەزیر ئاگەە لێ نیە بەلکو د گوتنێن خوەدا ئاماژە بھندێ کریە دەما رێزدار، نێژیرڤان بارزانی دبێژیت: ژ گازندەیێن خەلکی تورە نابین ، چونکە ھەبونا نەرازیبونێ نیشانا زیندیبونا جڤاکی یە. ژبەر ڤی َچەندی َپێتڤی ب ئیرادەو باوەریەکا موکم تر ل روژا ٣٠ی ٩ بەرەف سندوقێن دەنگدانێ بچین و دەنگی بدەینە لیستا پارتی دیموکراتی کوردستان ئەو لیستا ھێزێ ددەتە گەل و وەلاتی و بێ ھیڤی بونێ دئێخیتە ھێزین بەرامبەردا .

ھەواڵی زیاتر