حکومەتی هەرێمی کوردستان هۆشداری بە هاووڵاتییان دەدات

بەپێی پێشبینییەکانی کەشوهەوا، سبەی پێنجشەممە، 15ی شوباتی 2024، بارانی بەخوڕ تەواوی ناوچەکان دەگرێتەوە و وەزارەتی گواستنەوە و گەیاندنیش رایدەگەیەنێت: “پێویستى بە ئامادەباشى و ئامادەکارى هەیە، بەتایبەت لە کاتەکانى بەرەبەیان و نیوەڕۆى ڕۆژى پێنجشەممە”، هەروەها هۆشدارییش لەبارەی خۆپارێزی و بەرچاوڕوونیی کەشەکە بە هاووڵاتییان دەدات.
بەرەبەیانی ڕۆژی پێنجشەممە، بارانی بەخوڕ ناوچەکانی هەولێر و دهۆک و ڕاپەڕین و سۆران دەگرێتەوە و دواینیوەڕۆش دەگاتە سلێمانی و هەڵەبجە و کەرکووک؛ هاوکات بارانەکە با و هەورەتریشقەی لەگەڵدا دەبێت.
بەم هۆیەوە هاووڵاتییان ئاگادار دەکەینەوە:
١- لەو ناوچانەی نزمن و ئەگەری کۆبوونەوەی ئاو هەیە، دوور کەونەوە.
٢- بۆ دووربوون لە هەورەتریشقە، سەردانی ناوچە شاخاوییەکان نەکرێت.
٣- لە ڕێگە سەرەکییەکان هۆشیار بن و گەر زۆر پێویست نەبێ ڕێگە بەکار نەهێنرێت.
٤- بە ڕێنمایی دەزگە خزمەتگوزارییەکان پابەند بن.
فەرمانگەی میدیا و زانیاری