زانایەکی گەورەی جیھانی کۆچی دوایی کرد
خاوه‌نی بیرۆكه‌ی دانانی سیسته‌می (پی دی ئێف) كه زانایه‌كی گه‌وره‌ی بواری دونیای كۆمپیوته‌ره له ته‌مه‌نی 82 ساڵیدا كۆچی دوایی كرد.
كۆمپانیای ئه‌دوبی له بیاننامه‌یه‌كدا بڵاوی كرده‌وه كه رۆژی شه‌ممه جۆن ئیدوارد وارنوك زانای دونیای كۆمپیوته‌ر، كۆچی دوایی كرد.
به‌ڵام كۆمپانیاكه هۆكاری مردنه‌كه‌ی و له كۆی مردووه ئاشكرا نه‌كردووه و كۆمپانیاكه ئه‌وه‌ی خستووه‌ته ڕوو كه ئه‌و زانایه شوێن ده‌ست و داهێنانه‌كانی له بواری پیشه‌سازی و دونیای ته‌كه‌نه‌لۆژیا دیارن و به‌نه‌مریی ده‌مێنێته‌وه.
جۆن ئیدوارد وارنۆك دوای نزیكبونه‌وه‌ی گرێبه‌سته‌كه‌ی له‌گه‌ڵ كۆمپانیایه‌ك، بیرۆكه‌ی سیسته‌می پی دی ئێفی خسته ڕوو.
وارنۆك، له وه‌سفی خۆیدا ئاماژه بۆ ئه‌وه ده‌كات كه كه قوتابییه‌كی ئاسایی بووه ئاستی مامناوه‌ندی بووه، به‌ڵام دواتر تواناكانی له بواری بیركاری خستووه‌ته‌گه‌ڕ و بڕوانامه‌ی به‌كالۆریۆسی له بیركاری به‌ده‌ست هێناوه و دكتۆرای له ئه‌ندازیاری كاره‌با زانستی كۆمپیوته‌ری له زانكۆی یوتا به‌ده‌ست هێناوه.
