هێرشی چەکداریی کرایە سەر نووسینگەیەکی دەم پارتی.
هێرشی چەکداری کرایە سەر نووسینگەی دەم پارتی لە شاری رحای باکووری کوردستان؛ هێرشەکە زیانی گیانی نەبووە.
بەرەبەیانیی ئەمڕۆ چوارشەممە، 08-05-2024، لە قەزای بیرەجیکی سەر بە پارێزگای رحای باکووری کوردستان؛ هێرشێکی چەکداری کرایە سەر نووسینگەی دەم پارتی.
لە هێرشەکە چەکدارییەکەدا وەکو ئەوەی میدیاکانی تورکیا بڵاویان کردووەتەوە، 14 گولـلـە ئاراستەی باڵەخانەی نووسینگەکە کراون، بەڵام هێرشەکە زیانی گیانی نەبووە و تەنها جامەکانی نووسیگەکە شکاون.
بە گوێرەی هەمان سەرچاوە، تیمەکانی پۆلیس و هێزە ئەمنییەکانی پارێزگای رحا لێکۆڵینەوەیان لە ڕووداوەکە دەست پێ کردووە و لە هەوڵەکانیان بۆ دەستگیرکردنی ئەنجامدەرانی هێرشەکە بەردەوامن.
