وادەی دابەشکردنی مووچەی مانگی چواری لیواکانی پیادەی وەزارەتی پێشمەرگە ڕاگەیەندرا

ڕۆژی پێنجشەممە، 09-05-2024، مووچەی مانگی نیسان (چوار)ی لیواکانی پیادەی وەزارەتی پێشمەرگە دابەش دەکرێت.

ئەمڕۆ دووشەممە، 06-05-2024، وەزارەتی پێشمەرگەی حکوومەتی هەرێمی کوردستان لە ڕاگەیەندراوێکدا ئاماژەی بەوە کرد، دوایی ئەوەی هاوکاریی هێزەکانی هاوپەیمانان بۆ هێزی پێشمەرگە خراوەتە سەر هەژماری وەزارەتی پێشمەرگە، بەڕێوەبەرایەتیی گشتیی بوودجە و بەرنامەکان (ژمێریاریی سەربازی) ڕێکارە دارایی و ژمێریارییەکانی کردوون و بانکەکانی ئاگادار کردوونەتەوە، ڕۆژی پێنجشەممە، 09-05-2024، مووچەی مانگی نیسان (چوار)ی لیواکانی پیادەی وەزارەتی پێشمەرگە دابەش بکرێت.