حکوومەتی هەرێمی کوردستان بڕیارێکی لە بەرژەوەندیی پیشەوەران دەرکرد

ئەمڕۆ سێشەممە، 16-04-2024، بەڕێوەبەرایەتیی گشتیی باجەکان و خانووبەری میری، لە گشتانێکدا کە بۆ سەرجەم بەڕێوەبەرایەتییەکانی باجی دەرامەت ئاراستە کردووە، ئاماژەی بەوە کردووە، “پاڵپشت بە بڕیاری (ئەنجوومەنی وەزیران/ سەرۆکایەتیی دیوان)، ژمارە (245) لە ڕێککەوتی (27-03-2024) و، ڕێنمایی دارایی ژمارە (2) لە ساڵی (2024)، بە مەبەستی هاوکاریی ئەو پیشەوەرانەی خاوەن یەک سەرچاوەی داهاتی سنووردارن، دوای دیراسەتکردنی بارودۆخی دارایی پیشەوەران بۆمان دەرکەوت، کە ئەو لیستەی هاوپێچی نووسراومانە، هەروەها لەگەڵ هاوشێوەکانیان لەم جۆرە پیشەوەرانەن. بۆیە کاری پێویست ئەنجامبدرێت بە داشکاندنی خەمڵاندنی داهاتی ساڵانەیان بە ڕێژەی سەدا 50 بە ئامانجی کەمکردنەوەی باری قورسی داراییان”.