کچە سینەما کارێکی ئێرانیو ھاوسەرەکەی لە تاران کوژران

بەرپرسانی ئەمنیی ئێران ڕۆژی یەكشەممە ڕایانگەیاند كە تەرمی یەكێك لە ئەستێرە دیارەكانی سینەما لە شاری كەرەج لە ڕۆژاوای تارانی پایتەخت دۆزرایەوە.
ئاژانسی هەواڵی خوێندكارانی ئیسنا لە زاری بەرپرسی سینەماخانەی ئێران، محەمەد مێهدی عەسكەرپوورەوە بڵاویكردەوە، داریوش مێهرجۆی، دەرهێنەری بەناوبانگی سینەما و وەحیدە محەمەدی فەری هاوسەری، لە ماڵەكەی خۆیاندا لە جەرگەی شاری كەرەج،لە ڕۆژئاوای تارانی پایتەخت،بە كوژراوی دۆزراونەتەوە .
لای خۆیەوە هێزەكانی پۆلیس كوژرانی دەرهێنەرەكە و هاوسەرەكەی پشتڕاست كردەوە.
پۆلیس ڕوونی كردەوە، ئەم ڕووداوە درەنگانی شەوی شەممە بە ناوەندی فریاكەوتنی پۆلیس 110 ڕاگەیەندراوە، و لەگەڵ ئامادەبوونی ئەفسەران لە شوێنی ڕووداوەكە، پشتڕاستكرایەوە كە داریوش مێهرجۆی و هاوسەرەكەی لە ڤێلاكەیان كە دەكەوێتە شاری زیبادەشت مێشكین ئاباد لە كەرەج كوژراون.
سایتەكانی هەواڵ بڵاویانكردەوە، دەرهێنەر داریوش چەند ڕۆژێك لەمەوبەر لە پلاتفۆرمی ئینستاگرام هەڕەشەی كوشتنی لێ كراوە.