یەکەم رۆژی جەژنی رەمەزانی پیرۆز دیاری کرا

ڕاگری پەیمانگەی توێژینەوەی فەلەکی لە میسر، ڕۆژی چوارشەممەی مانگی داهاتوو (10ـی نیسانی 2024) وەک یەکەم ڕۆژی جەژنی ڕەمەزانی پیرۆز دیاری کرد.

ئەمڕۆ چوارشەممە (27ـی ئاداری 2024) تەها ڕابح، ڕاگری پەیمانگەی توێژینەوەی فەلەکیی لە میسر ڕایگەیاند، ڕۆژی سێشەممەی مانگی داهاتوو (9ـی نیسانی 2024) تەواوکەری مانگی پیرۆزی ڕەمەزان دەبێت و ڕۆژی دواتر چوارشەممە، 10ـی نیسان، جەژنی رەمەزانە و  یەکەم ڕۆژی مانگی شەوالە .

جەژنی ڕەمەزان، یەکەم جەژنی موسڵمانانە و لە یەکەم ڕۆژی مانگی شەوال دەست پێدەکات، ئەمەش دوای تەواوبوونی ڕۆژەکانی مانگی ڕەمەزان.