گه‌نجێك له‌لایه‌ن زڕباوكییه‌وه كوژرا.
ئه‌مڕۆ پێنجشه‌ممه، میدیاكانی عێراق بڵاویان كرده‌وه كه له گه‌ڕه‌كی ئاسیا له ناوچه‌ی دۆره‌ی به‌غدا، به‌هۆی كێشه‌ی كۆمه‌ڵایه‌تییه‌وه، گه‌نجێك له‌لایه‌ن زڕباوكییه‌وه كوژرا.
ئاشكرا كراوه كه گه‌نجه‌كه له‌دایكبووی ساڵی 1998ه و به‌هۆی كێشه‌ی كۆمه‌ڵایه‌تییه‌وه له‌لایه‌ن زڕباوكییه‌وه كه چه‌كداری حه‌شدی شه‌عبییه كوژرا.
ئاماژه به‌وه‌ش دراوه، هێزه ئه‌منییه‌كان بكوژه‌كه‌یان ده‌ستگیر كرد و لێكۆڵینه‌وه له ڕووداوه‌كه ده‌ستی پێكرد.
