لە هەرێمی کوردستان سبەی پشووی فەرمییە

سبەینێ، بەبۆنەی ڕۆژی جیهانیی کرێکارانەوە، لە سەرجەم دامودەزگاکانی هەرێمی کوردستان پشووی فەرمییە و ڕۆژی پێنجشەممە، دەوامی ئاسایی دەست پێ دەکاتەوە.

فەرمانگەی مێدیا و زانیاریی حکوومەتی هەرێمی کوردستان بڵاوی کردەوە، سبەی چوارشەممە (1ـی ئایاری 2024) لە هەرێمی کوردستان پشووی فەرمی دەبێت.

بەگوێرەی ڕۆژژمێری فەرمیی حکوومەتی هەرێمی کوردستان، سبەی چوارشەممە (1ـی ئایاری 2024) بە بۆنەی ڕۆژی جیهانیی کرێکارانەوە، لە سەرجەم دامودەزگاکانی هەرێمی کوردستان پشووی فەرمی دەبێت و ڕۆژی پێنجشەممە (2ـی ئایاری 2024)، دەوامی فەرمی و ئاسایی دەست پێ دەکاتەوە.