ڕۆژانە 620 تۆن غازی ماڵان بۆ کوردستان دەنێردرێت

وەزارەتی سامانە سرووشتییەکانی حکوومەتی هەرێمی کوردستان ڕایگەیاند: لەسەر داوای وەزیری سامانە سروشتییەکان، حکوومەتی فیدراڵ ڕەزامەندیی لەسەر ناردنی ڕۆژانە 620 تۆن غازی ماڵان بۆ هەرێمی کوردستان دەڕبڕی، تا ئەوکاتەی کێڵگەی غازی کۆرمۆر دەست بە بەرهەمهێنانی غاز دەکاتەوە.

وەزارەتی سامانە سرووشتییەکان ئاماژەی بەوەشکردووە، ئەو غازەی ڕەوانە دەکرێت لە هەردوو کۆگای تاجی و ناسرییەوە بۆ هەرێمی کوردستان دابین دەکرێت.