گرفتی هەولێر و بەغداد دەربارەی دۆسیەیی نەوت چارەسەربوو
گوتەبێژی حكومەتی عێراق لە کۆنگرەیەکی رۆژنامەوانی دوای کۆبوونەوەکانی رەجەب تەیب ئەردۆغان سەرۆککۆماری تورکیا و محەمەد شیاع سودانی سەرۆککوەزیرانی عێراق، پرسی نەوتی هەرێمی كوردستان یەكلابووەوە و توركیا ئامادەیی دەربڕیوە نەوت لە رێگای بۆرییەوە هەناردە بكرێت.
باسم عەوادی، وتەبێژی حكومەتی عێراق لە كۆنگرەیەكی رۆژنامەوانیدا گوتیشی، 26 لێكتێگەیشتن لە نێوان عێراق و توركیا لە چەند بوارێكدا واژووكراون و توركیا بەشداردەبێت لە ئاوەدانكردنەوە و نەهێشتنی كێشەی كەمئاویی لە عێراقدا.
ئاشكراشیكرد، پرسی نەوتی هەرێمی كوردستان یەكلابووەتەوە و توركیا ئامادەیی دەربڕیوە كە نەوت بە بۆری هەناردەبكرێت و كۆمپانیا بیانییەكانی بواری نەوت كە لە هەرێمی كوردستان كاردەكەن گرێبەستیان هەیە پێویستە نەوت لە رێگای سۆمۆوە هەناردەبكرێت كە بۆ ئەوەش حكومەتی هەرێم و حكومەتی عێراق پێویستیان بە گفتوگۆی زیاتر هەیە.
