سبەی بەشێكی شەقامی 120 مەتری هەولێر دادەخرێت

بەڕێوەبەرایەتی هاتوچۆی هەولێر رایگەیاند كە سبەی دووشەم بەشێكی شەقامی 120 مەتری شاری هەولێر دادەخرێت.

داخستنەكە لە کاتژمێر 9ی بەیانی دەست پێ دەكات تاكو 6ی ئێوارە.

سەبارەت بە هۆكاری داخستنەكەش، هاتوچۆی هەولێر رایگەیاند: تیمەکانی ئەندازەی هاتووچۆ هەڵدەستن بە هێلکاری و بۆیاخکردنەوەی شەقامی 120 مەتری خێرا.

شوێنی داخستنەكەش ڕێڕەوی دەستە چەپی شەقامەکە دەبێت لەسەر بەرزەپردی ڕێگای پیرمام تا بەرزە پردی ڕیگای بەحرکە.

هاتوچۆی هەولێر داواشی لە شوفێران كرد ڕێڕەوی ناوەڕاست و دەستەڕاستی شەقامەکە بەکاربهێنن.