كەشناسی: سبەی بارانبارین دەست پێ دەكاتەوە

بەڕێوەبەرایەتیی گشتیی كەشناسی و بوومەلەرزەزانی پێشبینی كرد سبەی شەممە لە كاتەكانی شەودا بارانبارین دەست پێ بكاتەوە، بەڵام بارانەكە بەشێوەی نمەباران دەبێت و زیاتریش لە ناوچە شاخاوییەكان دەبێت.

كەشناسی سەبارەت بە كەشوهەوای ئەمڕۆ هەینی رایگەیاند: ئاسمان پەڵەهەور و نیمچەهەور دەبێت، پلەکانی گەرماش بە نزیکەی 1 تـا 2 پلە بەرزتر دەبێت بەراورد بە تۆمارکراوەکانی دوێنێ پێنجشەممە.

سەبارەت بە كەشوهەوای سبەی شەممەش، كەشناسی رایگەیاند: ئاسمان پەڵەهەور و نیمچەهەور دەبێت، لە كاتەكانی شەودا دەگۆڕێت بۆ هەوری تەواو لەگەڵ ئەگەری بارینی نمەباران بە تایبەت لە ناوچە شاخاوییەكان.

ئاماژەی بەوەش دا كە پلەکانی گەرما بۆ سبەی شەممە بە نزیکەی 1 تـا 2 پلە بەرزتر دەبێت بەراورد بە تۆمارکراوەکانی ئەمرۆ هەینی.

جەختیشی كردەوە كە خێرایی با لە هەردوو رۆژەكەدا لەسەرخۆ و مامناوەند دەبێت و ئاراستەكەشی باکووری خۆرهەڵات دەبێت.

كەشناسی هەروەها پلەكانی گەرمای پێشبینیكراوی شارەكانی بەمشێوەی خوارەوە دیاری كرد:-

هەولێر: 30

سلێمانی: 29

دهۆك: 30

زاخۆ:  32

هەڵەبجە: 31

کەرکووک: 34

سۆران: 29

حاجی ئۆمەران: 19

گەرمیان: 35