یەكەی “شه‌یتانی 82” چییه كه ئه‌مریكا ڕه‌وانه‌ی عێراقی كردووه؟
یەكەی “شه‌یتانی 82” چییه كه ئه‌مریكا ڕه‌وانه‌ی عێراقی كردووه؟
وه‌زاره‌تی به‌رگریی ئه‌مریكا بڕیاریدا به‌ناردنی زیاتر له 700 سه‌ربازی سه‌ر به فیرقه‌ی “شه‌یتانی 82″ی سه‌ر به سوپای وڵاته‌كه‌ی بۆ ڕۆژهه‌ڵاتی ناوه‌ڕاست و پاشان عێراق، هێزه‌كه به یه‌كێك له ڕاهێنراوترین و به‌تواناترین هێزه‌كانی ئه‌مریكا ده‌ناسرێت و ناوی “مردن له‌به‌رزی”یان لێناوه.
ئه‌م فیرقه‌یه ساڵی 1917 ئه‌مریكا له‌كاتی جه‌نگی جیهانیی یه‌كه‌م دروستیكرد، تایبه‌تمه‌ندی هێزه‌كه ئه‌وه‌یه دابه‌زینی ئاسمانی ده‌كه‌ن و به‌رپه‌رچدانه‌وه‌ی خێرایان له هه‌ر كات و شوێنێك هه‌یه كه پێویست بكات.
ئه‌مریكا ئه‌م هێزه‌ی له‌هه‌ردوو جه‌نگی جیهانیی یه‌كه‌م و دووه‌م، شه‌ڕه‌كانی ڤێتنام، په‌نه‌ما و ئه‌فغانسان و ئۆپه‌راسیۆنه‌كانی دژی تیرۆرستان به‌كارهێناوه.
ڕۆژنامه‌كانی ئه‌مریكا ده‌ڵێن، وه‌زاره‌تی به‌رگریی وڵاته‌كه‌یان به‌رده‌وامه له ناردنی فیرقه‌ی “شه‌یتانی 82” له بنكه‌ی فۆرت پراگ-ی ویلایه‌تی كارۆلیناوه بۆ ڕۆژهه‌ڵاتی ناوه‌ڕاست.
