روونكردنه‌وه‌ی‌ ئه‌و كادرانه‌ی‌ چوونه‌ سه‌ر گۆڕی نه‌وشیروان مسته‌فا

محه‌مه‌د سه‌ید عه‌تار یه‌كێك له‌و كادرانه‌ی‌ بزووتنه‌وه‌ی‌ گۆڕان كه‌ دوێنێ بۆ دەربڕینی ناڕەزایی لە حاڵی بزۆتنەوەكە چوونه‌ سه‌ر گۆڕی نه‌وشیروان مسته‌فا، روونكردنه‌وه‌یه‌كی له‌ فه‌یسبوك به‌ناوی‌ هه‌موو ئه‌و كادرانه‌وه‌ بڵاوكرده‌وه‌ كه‌ چوبوونه‌ سه‌ر گۆڕه‌كه‌ و تێیدا نیگه‌رانییان له‌ میدیای گۆڕان ده‌ربڕیوه‌.

جێی ئاماژەیە میدیایی گوڕان بڵاویكردبووە ئەم كادیرانە بۆ نوێكردنەوەی پەیمان چوونەتە سەر گوڕی نەوشێروان مستەفا.

ده‌قی روونكردنه‌وه‌:

رونکردنەوەیەک لەئێمەوە

بۆ کەناڵە چەواشەکارەکەی کەی ئێن ئێن

ئێمە وەک پۆلێک لەهەڵسوڕاوە دڵسۆزەکانی بزوتنەوەی گۆڕان لەسەرجەم پارێزگا و قەزاو ناحییەکان ئەمڕۆ سەردانی مەزاری ڕەوانشاد نەوشیروان مستەفامان کرد وە کۆبوینەوە لەگەڵ ئەندامێکی خانەی ڕاپەڕاندندا بەڵام کەی ئێن ئێن پەیامی هەڵسوڕاوە ناڕازییەکانی بەلاڕێدا بردووە و وەک خۆی گوزارشتی لێ نەکرد.

بۆ ڕای گشتی لێرەوە پێیان ئەڵێین بەری خۆری ئێمە بەبێژنگی چەواشەکاری ئێوەناگیرێت.

پەیامی ئێمە وەک لەپێشترا بڵاومان کردۆتەوە بۆڕای گشی ڕون و ئاشکرایە کە داوای چاکسازی بنەڕەتیمان کردووە لەناو بزوتنەوەی گۆڕاندا و خاڵ بەخاڵ دەستمان خستۆتە سەر پێشێلکاری و هەڵەکانی بزوتنەوەکە.

ھەواڵی زیاتر