تەقینەوەی كۆگای چەك لە ھەرێمەوە گەیشتە ناو ھێزەكانی سەر بە پەكەكە

كۆگایەكی چەك و تەقەمەنی لەشاری “رەققە”ی سوریا كە لەژێر دەستی هێزەكانی سوریای دیموكراتدایە (یەپەگە)، ئەمشەو(چوارشەممە) تەقییەوە.

ئاژانسی هاوار نیوز، نزیك لە یەپەگە، بڵاویكردەوە كاتژمێر 7:40 خولەكی ئەمشەو(چوارشەممە) دەنگی چەند تەقینەوەیەكی بەهێز لەناوچەی گەڕەكی سناعە لەشاری رەققە بیستراوە.

هێمای بۆ ئەوەشكردوە كە بەپێی زانیارییە سەرەتاییەكان دەنگی تەقینەوەكان بەهۆی تەقینەوەی كۆگایەكی چەك و تەقەمەنی جێماوی داعش بوە لەو گەڕەكە.

ئاماژەی بەوەشداوە كە لەئەنجامی روداوەكە هەندێك هاوڵاتی مەدەنی برینداربون.

رەققە، پێشتر لەژێر دەستی داعشدا بو بەڵام پاش ساڵی رابردو شەڕڤانانی هێزەكانی سوریای دیموكرات بەهاكاری هاوپەیمانان دەستیان بە ئۆپەراسیۆنێك كرد بۆ رزگاركردنی شارەكەو هەر لەو ساڵەدا توانیان لەژێر چنگی چەكدارانی داعشی دەربهێنن.

ھەواڵی زیاتر