ئەمریکا هاوکارییە داراییەکەی بۆ هەسەدە رادەگرێت

دوای لێدوانەکەی ترەمپ، ئەمریکا هاوکارییە داراییەکەی بۆ هێزەکانی سووریای دیموکراتی (هەسەدە) رادەگرێت.

پێشتر وەزارەتی دەرەوەی ئەمریکا رایگەیاندبوو، کە بڕی 200 ملیۆن دۆلاری بۆ ئاوەدانکردنەوەی ناوچەکانی ژێر دەسەڵاتی هەسەدە تەرخان کردووە، کە ئەو ناوچانە لەژێر دەسەڵاتی رێکخراوی تیرۆریستی داعش رزگار کرابوونەوە.

بەپێی راپۆرتێکی رۆژنامەی (وۆڵ ستریت جۆرنال)ی ئەمریکی، دۆناڵد ترەمپی سەرۆکی ئەمریکا داوای لە وەزارەتی دەرەوەی وڵاتەکەی کردووە، ناردنی ئەو 200 ملیۆن دۆلارە رابگرێت.

ئەو داوایەی دۆناڵدس ترەمپ لە وەزارەتی دەرەوەی وڵاتەکەی، دوای لێدوانەکەی رۆژی پێنجشەممە 29/3/2018ـی دێت، کە رایگەیاندبوو، ”بەم نزیکانە“ هێزەکانی وڵاتەکەی، سووریا بەجێ دەهێڵن.

هەسەدە هێزێکی سەربازییە و بە پشتیوانیی ئەمریکا بۆ رزگارکردنەوەی ناوچە داگیرکراوەکانی رۆژئاوای کوردستان و سووریا لە رێکخراوی تیرۆریستی داعش، پێکهاتووە. یەکینەکانی پاراستنی گەل (یەپەگە)ی باڵی سەربازیی پارتی کرێکارانی کوردستان (پەکەکە) باڵی سەرەکیی ئەو هێزەیە.

ھەواڵی زیاتر