فەرماندەیەكی ئێزدی بۆ پەكەكە: نۆزدە ویلایەتی كوردی لە تورکیا هەن بڕۆن یەکێکیان رزگار بکەن، واز لە شنگال بھێنن

قاسم شەشو فەرماندەی فەرماندەیی هێزەكانی پێشمەرگە لە شنگال بۆ دەنگی ئەمریکا ڕایگەیاند جاری وا هەیە پەکەکە و حەشدی شەعبی پێکەوەن و جاری واش هەیە بە ئاشکرا شەڕی یەکتر دەکەن ئینجا ئێمە لێیان تێناگەین ، ئێمە دەڵێن تەنسیقیان پێکەوەیە ئەوان برای یەکترن و پەیوەندیان هەیە لەگەڵ یەکتر .

لە وەڵامی ئەوەی کەوا خەڵکێکی زۆری ئـەو دەڤەرانەی کێشە لەسەرن ئاوارەی پارێزگای هەولێر و دهوک بوونە بۆچی ناگەرێنەوە سەرماڵ و دەڤەرەکانیان، قاسم شەشۆ لەو بارەیەوە گووتی تا ئەمنیەت نەبێت ناتوانن بگەرێنەوە دەبێت حکومەتی عێراق و پێشمەرگە پێکەوە ئەو خەڵکە بپارێزن ، دەبێت ئەو ناوچانە لە مین پاک بکرێت و هاوکاری ئەو خەڵکەش بکرێت تا بگەڕێنەوە ، پێشمەرگە و حکومەتی مەرکەزی پێکەوە بە براتی دەست بخەنە ناو دەست، شنگالیش قەزایەکی عێراقە و عێراقیە و دەمانەوێ پێشمەرکە و حكومەتی مەرکەزی پێکەوە بێن ئەمنیەتی ئەم ناوچەیە بکەن.

شەشۆ هەروەها وتیشی ئەگەر پەکەکە و یەپەگە و یەپەژە کوردن ئێمە رێزوسڵاومان بۆیان هەیە ئەگەر راست دەکەن نۆزدە ویلایەتی تورکیا هەن با یەکێکیان رزگار بکەن با قەزایەک رزگار بکەن با ناحیە و گوندێك رزگار بکەن نەک شنگال کێشە لێرەیە پەکەکەو حەشدی شەعبین .

ھەواڵی زیاتر