یەكێتی لە رێككەوتنەكەی لەگەل پارتی پەشیمانە و بەنیازی كۆدەتای سپیە

لەدوایین كۆبونەوەی مەكتەبی سیاسی یەكێتی وپارتی لەهەولێر، بڕیاردرا 18ی ئەم مانگە ئەنجومەنی پارێزگای‌ كەركوك له‌ شاری‌ هه‌ولێر كۆده‌بێته‌وه‌ دواتر لە كۆبوونەوەكانی داھاتوودا، بە رێكەوتنی ھەردوولا پارێزگارێكی كوردیش بۆشارەكە هەڵده‌بژێردرێت، بەلام بەپێی زانیاریەكانی ئاژانسی پەیامنێر یەكێتی پەشیمانەو دەیەوێ كۆبوونەوەكە لە كەركوك بكرێت.

 

ئاژانسی ھەواڵی پەیامنێر لە سەرچاوەی نێو یەكێتیەوە زانیویەتی، یەكێتی نیشتیمانی كوردستان رزگار عەلی بۆ پۆستی پارێزگاری كەركوك دەستنیشان كردووە و لەو رێكەوتنەش پەشیمان بووتەوە كە لەگەل پارتی بۆ ئەنجامدانی كۆبونەوەی ئەنجومەنی پارێزگای كەركوك لە ھەولێر رێككەوتبوون.

ئاژانسی ھەواڵی پەیامنێر زانیویەتی یەكێتی ھەمان سیناریۆیی ھەڵبژاردنی سەرۆككۆماری عێراق دژی پارتی دووبارە دەكاتەوە و لەگەل لایەنە عەرەبی و توركمانەكانی كەركوك رێكەوتنی كردووە بۆ دەنگدان بە “رزگار عەلی” كاندیدی حزبەكە.

كاندیدی كردنی رزگار عەلی لەكاتێكدایە پارتی لە ئێستادا داوای پۆستی پارێزگاری كەركوك دەكات و پێشتریش پارتی ئەوەی ئاشكراكردبوو”ڤیتۆی لەسەر ھەموو ئەو كەسانە ھەیە كە بەشداربوون لە خیانەتەكەی كەركوك و رۆلیان لەم پیلانە خیانەتكاریە ھەیە”، رزگار عەلی لەكاتی رۆداوەكانی ١٦ـی ئۆكتۆبەردا بەوە تومەتبار دەكرا كە “مەزرەعە”كەی خۆی بە حەشد داوە و لە شەڕی پردێدا نیوەرۆ خوانی لە “مەزرەعەكە”ـی خۆی بۆ حەشدی شەعبی رێكخستووە كە دەكەوێتە نزیك شاروچكەكە.

ھەواڵی زیاتر